CanTreat adlı beynəlxalq işçi qrupu sentyabrın 22-də kasıb ölkələrdə xərçəng xəstəliyinin qarşısının alınması və müalicəsi barədə yeni araşdırmasının nəticəsini elan edib.
Hesabat müəllifləri bir «xərçəng fırtınası» gördükləri barədə xəbərdarlıq edirlər.
Hesabatda qeyd edilən əsas faktlar bunlardır:
Hesabat müəllifləri bir «xərçəng fırtınası» gördükləri barədə xəbərdarlıq edirlər.
Hesabatda qeyd edilən əsas faktlar bunlardır:
- Hər il dünyanın kasıb və orta gəlirli ölkələrində xərçəng xəstəliyindən ölənlərin sayı QİÇS, tuberkloz və malyariyadan birlikdə ölənlərdən daha çox olur.
- 2008-ci ildə dünyada xərçənglə xəstələnənlərin yarısı və bu xəstəlikdən ölən hər üç nəfərdən ikisi az və ya orta gəlirli ölkələrin vətəndaşları olub.
- Xərçəngin mənbələri hesab olunan malların yalnız 5 faizi inkişaf etmiş ölkələrdə istehlak olunub.
- Xərçəng xəstələrinin 80 faizi kasıb regionlarda yaşayan insanlardır. Onlar bu xəstəlikləri barədə əvvəlcədən məlumat almaq imkanına malik olmayıblar.
- Sonuncu mərhələlərində olan döş xərçənginin müalicəsi həmin xəstəliyin erkən çağlarında müalicəsindən doqquz dəfə baha başa gəlir. Gecikmiş xərçəngin müalicəsi də erkən mərhələdə olanın müalicəsindən dəfələrlə pis nəticələnir.
- Dünyada uşaqlıq yolu xərçənginə tutulan qadınların 85 faizi inkişaf etməkdə olan ölkələrin payına düşür. Xəstəliyin bu növü qadın ölümünün ən əsas səbəblərindən hesab olunur.
