«Vatan» qəzetinin 26 dekabr tarixli nömrəsində BTC-nin Türkiyəyə gəlir gətirməsi sual altına alınır.
Qəzetin yazarı Gülümhan Gültən yazır ki, Bakı-Tbilisi-Ceyhan xəttindən ildə 300 milyon dollar gəlir gözləyən Türkiyənin BOTAŞ şirkəti əksinə, 3 ildə 210 milyon dollar zərər edib.
Məsələ böyüyərək Türkiyə parlamentinin Dövlət Müəssisələri komissiyasının gündəliyinə salınıb. Komissiyaya «məxfi» qrifi ilə təqdim edilən raportda deyilir ki, BOTAŞ BTC-nin zərərini maliyyələşdirmək üçün qısa və ortamüddətli kreditlər almaq məcburiyyətindədir:
«Şirkət 2007-ci ilin axırından etibarən ilkin sərmayəsini tamamilə itirib».
Təfərrüatlı məlumat almaq üçün Dövlət Müəssisələri komissiyasının üzvü Ali Uzunırmaka müraciət etdik.
O, AzadlıqRadiosuna dedi ki, komissiyanın 9 dekabr iclası qapalı keçib və BOTAŞ-ın raportunda həqiqətən də BTC-nin zərər etməsi barədə faktlar var.
«Vatan» qəzetinin müxbiri Gülümhan Gültən isə BOTAŞ-ın raportuna əlavə şərh vermək istəmədi. Yalnız onu dedi ki, BOTAŞ-ın «BTC Co.» ilə çətin müzakirələr aparmasına baxmayaraq, hələlik, qanedici nəticə əldə edilməyib.
3 il qabaq Türkiyə BTC sayəsində Ceyhan terminalında Rotterdamdakı kimi, neft birjası yaradacağını iddia edirdi. O vaxt siyasətçilər və mütəxəssislər Azərbaycan, Qazaxıstan və Orta Şərqdən Ceyhana ildə 100 milyon ton «qara qızıl» axacağını deyirdilər.
Ancaq BOTAŞ-ın 3 ildə 210 milyon dollar zərər etməsi haqda xəbər doğrudursa, bu, planların alt-üst olması deməkdir.
3 il qabaq kəmərlər sayəsində ildə 1 milyard dollar gəlir əldə etməyi hədəfləyən Türkiyə indi BTC-nin 1074 km-lik hissəsinin zərərini maliyyələşdirmək üçün kredit axtarmaq məcburiyyətində qalacaq.
Qəzetin yazarı Gülümhan Gültən yazır ki, Bakı-Tbilisi-Ceyhan xəttindən ildə 300 milyon dollar gəlir gözləyən Türkiyənin BOTAŞ şirkəti əksinə, 3 ildə 210 milyon dollar zərər edib.
Məsələ böyüyərək Türkiyə parlamentinin Dövlət Müəssisələri komissiyasının gündəliyinə salınıb. Komissiyaya «məxfi» qrifi ilə təqdim edilən raportda deyilir ki, BOTAŞ BTC-nin zərərini maliyyələşdirmək üçün qısa və ortamüddətli kreditlər almaq məcburiyyətindədir:
«Şirkət 2007-ci ilin axırından etibarən ilkin sərmayəsini tamamilə itirib».
Təfərrüatlı məlumat almaq üçün Dövlət Müəssisələri komissiyasının üzvü Ali Uzunırmaka müraciət etdik.
O, AzadlıqRadiosuna dedi ki, komissiyanın 9 dekabr iclası qapalı keçib və BOTAŞ-ın raportunda həqiqətən də BTC-nin zərər etməsi barədə faktlar var.
«Vatan» qəzetinin müxbiri Gülümhan Gültən isə BOTAŞ-ın raportuna əlavə şərh vermək istəmədi. Yalnız onu dedi ki, BOTAŞ-ın «BTC Co.» ilə çətin müzakirələr aparmasına baxmayaraq, hələlik, qanedici nəticə əldə edilməyib.
3 il qabaq Türkiyə BTC sayəsində Ceyhan terminalında Rotterdamdakı kimi, neft birjası yaradacağını iddia edirdi. O vaxt siyasətçilər və mütəxəssislər Azərbaycan, Qazaxıstan və Orta Şərqdən Ceyhana ildə 100 milyon ton «qara qızıl» axacağını deyirdilər.
Ancaq BOTAŞ-ın 3 ildə 210 milyon dollar zərər etməsi haqda xəbər doğrudursa, bu, planların alt-üst olması deməkdir.
3 il qabaq kəmərlər sayəsində ildə 1 milyard dollar gəlir əldə etməyi hədəfləyən Türkiyə indi BTC-nin 1074 km-lik hissəsinin zərərini maliyyələşdirmək üçün kredit axtarmaq məcburiyyətində qalacaq.
