-
Bakı İstintaq Təcridxanasında saxlanan «Azad Gənclik» Təşkilatının üzvü İlkin Rüstəmzadənin səhhətində ciddi problemlər yaranıb.
Bu haqda AzadlıqRadiosuna «Azad Gənclik» Təşkilatının üzvü Ülvi Həsənli məlumat verib:
«İyulun 6-da İlkin Rüstəmzadə mənimlə telefon əlaqəsi saxladı. Dünəndən qızdırmasının düşmədiyini dedi. Həm də onurğasında problem yaranıb. Həkimlər onu müayinə edib, bir həftə sonraya əməliyyat təyin ediblər».
İyulun 6-da İlkin Rüstəmzadənin vəkilləri ona baş çəkib.
Vəkil Nemət Kərimli bildirdi ki, İlkin Rüstəmzadə iyulun 11-də əməliyyat olunacaq:
«Mən onun mülki xəstəxanada əməliyyat olunması üçün iyulun 8-də Penitensiar Xidmət İdarəsinə müraciət edəcəyəm».
Penitensiar Xidmət İdarəsinin sözçüsü Mehman Sadıqov AzadlıqRadiosuna bildirib ki, təqsirləndirilən şəxslərin və məhkumların müayinəsi və müalicəsini Ədliyyə Nazirliyinin Tibb Baş İdarəsi həyata keçirir:
«İdarənin yüksəkixtisaslı kadrları və tibbi avadanlıqları var. Eyni zamanda qanun təqsirləndirilən şəxslərin ödənişli tibb ocaqlarına müraciət edə bilməsinə də yol verir».
İlkin Rüstəmzadə mayın 17-dən həbsdədir. O, Youtube-da yerləşdirilən «Hаrlem Shake» videosunu hazırlamaqda təqsirləndirilir. Prokurorluq ona Cinayət Məcəlləsinin 221-ci (xuliqanlıq) maddəsinin iki bəndi ilə (221.2.1 və 221.2.2) ittiham irəli sürüb.
Bakı İstintaq Təcridxanasında saxlanan «Azad Gənclik» Təşkilatının üzvü İlkin Rüstəmzadənin səhhətində ciddi problemlər yaranıb.
Bu haqda AzadlıqRadiosuna «Azad Gənclik» Təşkilatının üzvü Ülvi Həsənli məlumat verib:
«İyulun 6-da İlkin Rüstəmzadə mənimlə telefon əlaqəsi saxladı. Dünəndən qızdırmasının düşmədiyini dedi. Həm də onurğasında problem yaranıb. Həkimlər onu müayinə edib, bir həftə sonraya əməliyyat təyin ediblər».
İyulun 6-da İlkin Rüstəmzadənin vəkilləri ona baş çəkib.
Vəkil Nemət Kərimli bildirdi ki, İlkin Rüstəmzadə iyulun 11-də əməliyyat olunacaq:
«Mən onun mülki xəstəxanada əməliyyat olunması üçün iyulun 8-də Penitensiar Xidmət İdarəsinə müraciət edəcəyəm».
Penitensiar Xidmət İdarəsinin sözçüsü Mehman Sadıqov AzadlıqRadiosuna bildirib ki, təqsirləndirilən şəxslərin və məhkumların müayinəsi və müalicəsini Ədliyyə Nazirliyinin Tibb Baş İdarəsi həyata keçirir:
«İdarənin yüksəkixtisaslı kadrları və tibbi avadanlıqları var. Eyni zamanda qanun təqsirləndirilən şəxslərin ödənişli tibb ocaqlarına müraciət edə bilməsinə də yol verir».
İlkin Rüstəmzadə mayın 17-dən həbsdədir. O, Youtube-da yerləşdirilən «Hаrlem Shake» videosunu hazırlamaqda təqsirləndirilir. Prokurorluq ona Cinayət Məcəlləsinin 221-ci (xuliqanlıq) maddəsinin iki bəndi ilə (221.2.1 və 221.2.2) ittiham irəli sürüb.
![Gənc fəal İlkin Rüstəmzadə həbs olundu [Video]](https://d34ghrtv4cwfcg.cloudfront.net/f958dd02-ae9a-4cf7-910e-ce67e6a61d38_w100_r1.jpg)
![Gənc fəal İlkin Rüstəmzadə həbs olundu [Video]](https://d34ghrtv4cwfcg.cloudfront.net/f958dd02-ae9a-4cf7-910e-ce67e6a61d38_w33_r1.jpg)
