-
«Yazıdakı iddialar tamamilə əsassız və dəyərsizdir. ABŞ tərəfindən Azərbaycanın suverenliyi və müstəqilliyinə göstərilən uzunmüddətli dəstək yalnız sözlərin deyil, həm də əməllərin üzərində qərarlaşıb».
ABŞ-ın Azərbaycandakı səfirliyi yerli mediada yayılmış «John Kerry-nin Konqresdəki ofisindən idarə olunan anti-Azərbaycan kampaniyası» başlıqlı yazı ilə bağlı «Amerikanın Səsi»nin sorğusuna cavabında belə deyib.
Səfirlik bildirir ki, ABŞ-ın Azərbaycanla tərəfdaşlıq əlaqələri Azərbaycanın mümkün qədər demokratik, sabit və tərəqqili inkişafına dəstəyə yönəlib.
