-
Dünyanın ən bahalı 5 şəhəri Asiya və Avropa şəhərləridir. Xaricilər üçün ən bahalı şəhər Anqolanın paytaxtı Luandadır. 2-ci yerdə Honkonq, 3-cü Sürix, 4-cü Sinqapur, 5-ci Cenevrədir. Luanda üçüncü ildir liderliyi əldən vermir.
«Mercer» təşkilatı ənənəvi olaraq 207 şəhərdə yaşayış xərclərini hesablayıb.
İlk onluğa düşən digər şəhərlər Şanxay (6), Pekin (7), Seul (8), Bern (9), Ncamenadır (10).
Xaricilər üçün ən ucuz şəhərlər isə Bişkek (207), Vindhuk (206) və Karaçidir (205).
Bakı bahalığına görə 33-cü yerdədir. Moskva 50, Yerevan 192, Tbilisi 198-ci yerlərdə qərar tutub.
Qeyd edək ki, ötən ilki reytinqdə Bakı 46-cı, 2013-cü ildə isə 57-ci yerdə idi. Göründüyü kimi, Bakı ildən ilə bahalı şəhərlər sırasına doğru irəliləməkdədir.
«Mercer» Beynəlxalq Konsaltinq Şirkəti 1975-ci ildə yaranıb. Mənzil qərargahı Nyu-Yorkdadır. Təşkilat hər bir şəhərdə 200 mal və xidmətin qiymətini müqayisə edir. Buraya ev, nəqliyyat, ərzaq, geyim, məişət əşyaları, əyləncə qiymətləri daxildir.
1. Luanda
2. Honkonq
3. Sürix
4. Sinqapur
5. Cenevrə
6. Şanxay
7. Pekin
8. Seul
9. Bern
10. Ncamena
..
198. Tbilisi
199. Manaqua
200. Keyptaun
201. Minsk
202. Bancul
203. Skopye
204. Tunis
205. Karaçi
206. Vindhuk
207. Bişkek
