-
Ölkə iqtisadiyyatının yenidən balanslaşdırılması, özəl investisiya və ixraca əsaslanan iqtisadi artım modelinə keçidin sürətlənməsi, bu əsasda dayanıqlı və çoxşaxəli iqtisadi artımın təmin edilməsi...
Bu hədəflər Mərkəzi Bankının 2016-cı il üçün pul və maliyyə sabitliyi siyasətinin əsas istiqamətləri barədə bəyanatında əksini tapıb.
Sənəddə 2016-cı ildə də dünya iqtisadiyyatında artımın zəif və kövrək olacağı, beynəlxalq əmtəə və maliyyə bazarlarında isə qeyri-müəyyən şəraitin qalacağı proqnozlaşdırılır.
«Valyuta axınlarındakı qeyri-müəyyənliklər Azərbaycanın ticarət tərəfdaşı olan ölkələrin valyuta məzənnələrində dəyişkənliyi artıra bilər. ABŞ-da monetar siyasətin sərtləşməsi, dünya əmtəə qiymətlərinin azalması inkişaf etməkdə olan ölkələrdə yeni devalvasiya dalğalarının yaranacağını istisna etmir» - deyə MB öz mövqeyini ifadə edir.
