Dostu İntiqam Əliyevin azad edilmə ehtimalını şərh edir
İntiqam Əliyevin dostu, Azərbaycan Hüquqşünaslar Assosiasiyasının rəhbəri Ənnağı Hacıbəyli AzadlıqRadiosuna hüquqşünasın buraxılma ehtimalı ilə bağlı danışıb:
"Azərbaycanda hüquq-mühafizə orqanlarının iş prinsipi elədir ki, proqnoz vermək mümkün deyil... İntiqam Əliyevin Avropa Məhkəməsində apardığı işlərlə bağlı ciddi problemlər oldu, bu məsələ Avropa Məhkəməsinin İntiqam Əliyevin həbsindən sonra çıxarılan bəzi qərarlarında da öz əksini tapıb. O işlərlə bağlı kommunikasiya mərhələsində, işlərin davam etdirilməsində problemlər yaranmışdı.
Mən də, digər vəkil yoldaşlar da imkan daxilində çalışdıq ki, o işlər yarımçıq qalmasın. Avropa Məhkəməsi də İntiqam Əliyevin həbsilə əlaqədar yaranan çətinliklərə anlayışlı yanaşdı. İşlər davam elədi, onun həbsindən sonra bir xeyli iş üzrə qərar çıxarıldı.”
İntiqam Əliyevlə bağlı məhkəmənin qarşısından canlı yayım
Məhkəmənin qarşısındakı mənzərə (Video və fotolar)
İntiqam Əliyevi gözləyirlər - məhkəmənin qarşısındakı mənzərə
İntiqam Əliyevlə bağlı məhkəmə başlanır
Martın 28-də Ali Məhkəmənin Plenumunda Baş prokuror Zakir Qaralovun həbsdə olan insan haqları üzrə vəkil İntiqam Əliyevlə bağlı əlavə kassasiya protestinə baxır.
AzadlıqRadiosunun müxbiri xəbər verir ki, məhkəməyə yalnız vəkillər Cavad Cavadov və Şəhla Hümbətova buraxılıb. Vəkil Cavad Cavadovun sözlərinə görə, əslində, proses qapalı deyil, sadəcə, Ali Məhkəmənin Plenumunun iclasında kənar şəxslərin iştirakı ilə bağlı praktika yoxdur.
Hüquqşünasın vəkili Cavad Cavadov hökmün ləğv olunub İntiqam Əliyevin azadlığa buraxılacağını istisna etməyib. Ancaq onu da bildirib ki, protestdə bəraətdən deyil, yalnız cəzanın ağırlığından söhbət gedir. Zakir Qaralov İntiqam Əliyevə münasibətdə bir sıra yüngülləşdirici halların, o cümlədən hüquq müdafiəçisinin səhhətindəki problemlərin nəzərə alınmamasından və şərti cəza məsələsinin müzakirə edilməməsindən narazı qalıb. Müraciətdə yalnız cəzanın dəyişdirilməsi məsələsi vurğulanır.