Ukrayna Qomelə danışıqlara getmir, neytral ərazi iddiasında qalır
Ukrayna prezidenti Zelenskinin sözçüsü Sergey Nikiforov bildirib ki, Kiyev Belarusun Qomel şəhərində Rusiya ilə danışıqlarda iştirak etməyəcək:
"Biz orada olmayacağıq. İlkin şərtlərlə danışıqlar aparmayacağıq". "Bu format həqiqətən müzakirə olundu. Amma son anda Rusiya tərəfi Ukrayna ordusundan əvvəlcə silahı yerə qoymağı tələb etdi. Bu münasibətlə dərhal "Rusiya hərbi gəmisi"nin arxasınca getmək təklifi aldılar. Ona görə də onların bugünkü açıqlamaları və qərarlar, hər şeyə rəğmən, inadkarcasına Qomelə gedir - yalnız informasiya təzyiqi var”, - Nikiforov bildirib.
rəfi ilə istənilən neytral yerdə görüşməyə hazır olduğunu bəyan edib.
Lukaşenka Ukrayna ərazisinə Belarusdan raket atıldığını təsdiqləyir
Aleksandr Lukaşenka Volodimir Zelenskinin müraciətinə cavab olaraq bildirib ki, Ukraynada bir dənə də olsun belarus əsgəri yoxdur, “heç bir belarus himayədarı” yoxdur.
"Belarus ərazisindən heç bir müharibə getmir", - Lukaşenka qeyd edib:
"Biz ruslara kömək edirikmi? Təbii ki, kömək edirik! Onlar bizə ağır xəsarətlərlə gəlsələr, biz onları müalicə edirik. Bunun nəyi pisdir?"
O, raketlərin Belarus ərazisindən Ukraynadakı mövqelərə atıldığını təsdiqləyib, lakin bu, məcburi addımdır, çünki “ Ukrayna tərəfində raket batalonları Belarusla sərhəddən bir neçə kilometr aralıda yerləşdirilib və hər dəqiqə Rusiya daxilindəki mövqelərinə zərbə endirməyə hazırdır"
Beynəlxalq Cüdo Federasiyasından Putin qərarı
Beynəlxalq Cüdo Federasiyası Rusiya qoşunlarının Ukraynaya müdaxiləsi ilə əlaqədar Vladimir Putinin təşkilatın fəxri prezidenti və səfiri səlahiyyətlərini dayandırıb, təşkilatın saytında bildirilir. Məlumatda vurğulanır ki, qərar “Ukraynada davam edən hərbi münaqişə fonunda” qəbul edilib.
Belarus tərəfi: Danışıqlar üçün hər şeyi hazırlamışıq
Belarus Xarici İşlər Nazirliyinin sözçüsü Anatoli Qlaz RİA Novosti-yə bildirib ki, Belarus tərəfi Qomel şəhərində Rusiya və Ukrayna arasında danışıqlar üçün lazım olan hər şeyi hazırlayıb.
"Bəli, biz bu məlumatı təsdiq edirik. Belarus tərəfi artıq danışıqlar üçün lazım olan hər şeyi hazırlayıb, bütün protokol, logistik və digər məsələlərin tam həllini təmin edir", - Belarus XİN-in nümayəndəsi bildirib.
Daha əvvəl Zelenskinin ofisinin rəhbərinin müşaviri Mixail Podolyak bildirib ki, Ukrayna danışıqlardan imtina etməyib, lakin “Rusiya tərəfinin hər hansı qəbuledilməz şərtlərindən və ya ultimatum tələblərindən qəti şəkildə imtina edir”.