«Maqik realizm»in ən parlaq nümayəndəsi sayılan Qabriel Qarsia Markesin əsərləri Azərbaycan dilinə ilk dəfə 70-ci illərdə çevrilsə də, indiyədək Azərbaycan ədəbiyyatına böyük təsirini sezdirməkdədir. Bəs bu təsir daha çox nədə üzə çıxır? Bəzilərinin dediyi kimi, yazarlarımızda mistikaya meyl oyatdı, yoxsa sadəcə ədəbiyyatımızı irəli apardı? Bu mövzunu «Pen Klub»da yazıçılar Mirmehdi Ağaoğlu, Qismət, Yaşar, publisist və tərcüməçi Xalid Kazımlı dartışırlar.